Exclusive interview with Eng. Muhammad Taher

Taher Cover Interview Final 1

English version of Eng.Muhammad Taher interview

مهندس محمد طاهر.. معماري مصري شاب، ومصمم داخلي متميز وأحد اهم نجوم الاظهار المعماري العالميين.. يثري المجال بتصميماته واعماله الفنية المتميزة لأكثر من عشرة سنوات انطلاقا من عاصمة الفن والجمال.. الإسكندرية

أُتيحت لنا الفرصة ان نجري الحوار التالي معه فحاولنا عدم الاطالة وسألناه وجاوب:
مهندس محمد طاهر.. في البداية تحيتنا وتحية معجبيك وجمهورك من داخل الوسط وخارجه.. يعلم الجميع جيدا في الوسط كل ما جاء في المقدمة المختصرة جدا لعدم الإطالة؛ ولكن نود ان نعرف

 

كيف كانت بدايتك في المجال؟ هل كانت بالأعمال الحرة؟ ام بالعمل في مكتب ما؟

 

فى البدايه احب اشكرك واشكر القائمين على الموقع … بدايتى كانت مختلفه قليلا حيث اننى كنت اهوى التصوير الفتوغرافى اثناء دراستى للهندسه المعماريه .. و بعد التخرج قررت انى احترف التصوير الفتوغرافى  واثقل مهارتى فيه من خلال الدراسة والعمل لمدة سنتين تقريبا .. ثم بعد ذلك قررت العوده للتصميم مرة اخرى من خلال العمل بمكتب استشارات هندسيه بالمملكة العربية السعوديه لمدة 3 سنوات … بعد ذلك قررت العوده الى مصر عملت خلالها بالاعمال الحره لمدة 3 سنوات بعدها قمت بانشاء مكتب هندسى خاص بى منذ سنتين تقريبا.

 

ما هي اهم ملامح واهم مميزات تلك الفترة بالنسبة لك خلال العشر سنوات؟

 

بدايتى مع التصوير اثقلتنى مهارات عديده كمعمارى ومن خلال التصوير اكتشفت عشقى للتصميم واصبحت ملم بشكل اكبر بالتكوينات والمساحات وتوظيف الالوان وعناصر التصميم المختلفه واللى انعكس ايضا على مهاراتى فى الاظهار المعمارى … ايضا اكتسيت خبرات عديده من الاحتكاك بسوق العمل الخليجى فى بداياتى بل هى العامل الرئيسى فى تكوين شخصيتى كمعمارى حاليا.

 

ما اهم ما تعلمته او اُعطى لك من توجيهات خلالها؟ وما اهم ما تود نصيحة المبتدئين به في هذا الشأن؟

 

تعلمت الكثير خلال الخمس سنوات الاولى فى حياتى العمليه حصيغها فى صورة نصائح اهمها :
1- الهندسة المعمارية تخصصات كثيره ويوجد داخل التخصص تخصص . شوف انت شاطر فيه ايه واتخصص فيه فقط .
2- لا تبدا حياتك العملية بالاعمال الحرة . لانه هناك فوهه كبيرة بين اللى درسته فى الكليه و بين الاحتكاك الحقيقى بسوق العمل . وبالتالى حتخسر كثير من الوقت لو لم تبدا بالاحتكاك واكتساب الخبرات من خلال مكاتب استشاريه او هندسيه جيده.
3- فن ادارة الاعمال والتسويق من اهم عوامل نجاح اى مهندس شاطر .. ودى حتكتسيبها مع مرور الوقت و الخبره.
4- المهندس المعمارى يجب ان يكون عنده تحدى – مثقف – مطلع وبيطور من نفسه ..اقرا وذاكر كتير وخلى معاك كاميرا طول ما انت بتتحرك وصور اى حاجه تعجبك حتكون مصدر الهام ليك .
5- فيه فرق بين الالهام والنسخ .. متقلدش حد خلى دائما عندك شخصيه وهويه فى شغلك.
6- اخر نصيحة وبالنسبالى الاهم .. لما بنشتغل فى مشروع اورينتال , كلاسيك او تقليدى . احنا بناخد روح العصر او الحقبه وبنشتغل على تطورها عن طريق دراسة عناصر التصميم و محددات الحقبه دى و بنطلع بالاخير بشىء عصرى يتماشى مع العصر اللى احنا عايشين فيه .. بخلاف ذلك سوف تجد مشروعك عباره عن متحف او منزل من القرون الوسطى .

 

مهندس طاهر.. كيف تبدأ التجهيز لأعمالك معماريا واظهاريا وما اهم مصادر الهامك؟

 

اى تصميم سواء كان معمارى او تصميم داخلى بيبتدى كفكره او كونسبت فى الاول وبيتحدد بالتاكيد من خلال طلبات و ذوق العميل والتكاليف , بعد كده بيجى دورى كمعمارى فى تطوير الكونسبت من خلال المعطيات اللى عندى بحيث انى احقق حل وظيفى بشكل علمى و مدروس مع الجانب الجمالى .. بترجم ده فى شكل مخططات 2d سواء ( بلانات – واجهات – قطاعات – اسقف – ارضيات – لايت – لاندسكيب ) بعد كده بنوصل للمرحله التاليه و هي اختيار الخامات و الفرش ثم المرحلة قبل الاخيرة وهي الاظهار على برامج الثرى دى المختلفه , طبعا خلال المرحله دى ممكن أقوم بتعديلات كثيره على ال 2d مره اخرى الى ان اصل للشكل النهائى للتصميم بعد ذلك اقوم باعداد الرسومات التنفيذيه النهائيه للمشروع .

 

“صقل المهارات بتعلُم الجديد، وتمرير الخبرات والمعارف من اهم مفاتيح النجاح”.. لا يخفى على أحد أنك حريص على الجزء الثاني من المقولة، ولكن هل تجد الوقت للمحافظة على الجزء الأول “صقل المهارات وتنميتها”؟ وكيف تقوم بذلك؟

 

بالتاكيد الجزء الاول مهم جدا ومن غيره مش حتقدر تكمل .. الى الآن اعتبر نفسى فى البدايه و هو ده اللى بيعطينى الحافز انى أكمل وكل يوم بتعلم .. بالتاكيد كل ما بتكبر فى السن مسئولياتك بتكتر ولكن الحل يكمن فى العمل الجماعى والى انك توكل مهام لاخرين تحت اشرافك وتدريبك .. وطبعا زى ما ذكرت قبل كده ثقل المهارات و تنميتها بيجى بالقراءه والاطلاع وانك تسافر, تحتك بخبرات وتشترك فى مسابقات واشياء من هذا القبييل .

 

مَن من المصممين بشكل عام تتابع أعمالهم؟ هل تفضل أحدهم؟ ما هو أكثر ما يميزه؟

 

بشكل عام هناك الكثير سواء على مستوى العالم او العالم العربى فى مجالات معماريه مختلفه ولكن بشكل خاص انا من محبى Alberto Pinto و  Perla Lichi متميزين لهم هويه قويه واسلوب مختلف واضح فى شغلهم . وطبعا على مستوى الاصدقاء او جيل الشباب الحالى فى مصر بحب شغل كريم موسى و محمود قشطه.

 

كثير من المبتدئين يرجع السبب وراء ضعف مستوى منتج الاظهار لديهم وبطء معدل تطوره الى ضعف الإمكانيات المتاحة لديهم.. هل توافق على ذلك؟ وما هي ذكرياتك في البدايات بخصوص هذا الشأن؟

 

هو ممكن يكون عائق امام سرعة الانتاج ولكن ليس سبب فى الضعف ..انا اظهرت مشاريع لى على اجهزة كمبيوتر منزليه عاديه فى بداياتى ومن اشهراعمالى الى الآن . القصه كلها فى كيفية توظيف الادوات او الامكانيات المتاحه ,كل سوفت وير بيبقى فيه طرق للتعايش مع امكانياتك زى Xrefs او Proxy وخلافه . فى البدايه تعايش مع امكانياتك وطور من نفسك ومع الوقت استثمر فى امكانياتك و طورها علشان سرعة الانتاج عندك تبقى اعلى مستقبلا.

 

ما هو تعليقك او نصيحتك لمصمم حديث يشكي الضيق المعرفي لعملائه ويرجع سبب عدم مقدرته على الابداع والقيام بدوره لكون “العميل عايز كده!” ما هي نصيحتك للمصممين المبتدئين او ما هي الرسالة التي تحب ان تبلغها لهم من خلالنا؟

 

طبعا دى مشكلة بتقابل اى مهندس او مصمم  ليس المبتدا فقط و لكن تدخل المالك لو ادى الى اضرار بالتصميم فالخطأ هنا يقع على عاتق المصمم , تدخل المالك يجب ان يكون فى حدود اللى  يسمح بيه المصمم او انه يعتذر عن اكمال المشروع بالاساس , لانه ده شغل المصمم نفسه وحيكون بإسمه. عادة المشكله دى بتكون اكبر عند المصمم المبتدا عن المحترف , لكن مع الوقت حيكتسب خبرات التعامل مع العملاء و ادارة اعماله . مهنتنا كاى مهنه اخرى ممكن تكون شاطر لكن عندك مشكله فى اقناع العميل بشغلك وده السبب الرئيسى فيه انك مقدرتش تترجم المعطيات اللى عندك من طلبات العميل بشكل صحيح.

 

وأخيرا نود ان نشكرك على سعة صدرك ونتمنى لك المزيد من النجاح والتقدم لتسعدنا وتسعد جمهورك ومتابعيك

 

عمل جديد وحصري يعرض لأول مرة للمهندس محمد طاهر

شاهد بعض اعمال المهندس محمد طاهر وللمزيد  .. اضغط  هنا

أعداد : م.محمود حجازي

النسخه الانجليزية من حوار مهندس محمد طاهر .. اضغط هنا.

2 Comments on “Exclusive interview with Eng. Muhammad Taher”

  1. حوار شيق ماشاء الله
    لو سمحتوا ياريت حسابات
    الاشخاص المذكورة عشان نتابعهم
    كريم موسى و محمود قشطه
    Alberto Pinto و Perla Lichi

Leave a Reply

Your email address will not be published. Required fields are marked *