The latest decor trends of 2018..AR

The latest decor trends of 2018

Ulfat KtaifanUlfat Ktaifan

Palestinian architect , interior designer and 3d visualizer.

Follow me: Facebook – Behance

 

اخر صيحات الديكور لعام 2018

المقال ملخص عن اكتر من 20 مقال ما بين مجلات ومواقع متخصصة بالديكور او حتى فيديوهات وريفيوهات وكتالوجات وخلاصة الي شفتو من موقع pinterest

1) المخمل velvet
المخمل مكمل معانا من السنة الماضية ومنلاحظ انو صرلو فترة دارج في اللبس كمان وبرضو في الديكور لأنو بيعطي احساس بالرقي والفخامة وبالنسبة لالوانو اغلبها الوان درجات الاحجار الكريمة jewel tones متل الاخضر الزمردي الازرق الملكي و البورغندي اللي بتعطي عمق اكتر لهاد النوع من القماش

trends-of-2018-1

2)المعادن :
وخاصة الدهبي وال rose gold لسا مكملين معنا من 2016 في الاثاث متل طاولات الوسط والتربيزات الجانبية وجميع انواع الاكسسوارات وعناصر الاضاءة سواء كانت معلقات من السقف او من الارض صارت عليها اهتمام كتير كبير اخر سنتين وتصاميمها صارت كقطعة statement . الفرق او هالسنة صار مش بس عبارة عن فريمات لأ صار عبارة عن منحوتات دهبية صارخة اكثر ولامعة اكثر . وكمان منلاحظ صار في امكانية هالسنة المزج بين انواع المعادن المختلفة

trends-of-2018-2

3) greenary الخَضار
وهاد الشي مقسوم لتلت اقسام :
اولا:
اللون الاخضر كتييييييير دارج هاد الموسم بطريقة رهيبة مع انو ضل لسنين لون غير محبب وكتير ناس ما بحبوه بس هلأ اي شي مشتق من الطبيعة محبوب . الوان الخضار والفواكه البرية متل درجات التوت الازرق والليمون الاخضر وجميع درجات اللون الاخضر مطلوبة . انا مش حابة اتعمق كتير في الالوان لأني بدي اكتب عنها موضوع منفصل لكن هاد اللون لا يمكن التغاضي عنو في الحديث عن 201

trends-of-2018-3تانيا : urban jungle
استعمال النباتات الخضراء في البيت . وهاي بشرى حلوة لناس كتير لانو الزريعة رخيصة وسهل نجيبها واصلا يمكن تكون موجودة في البيت . حتى في الزريعة نفسها في موضة ! وهو انو الورقة تكون printed كأنو عليها نقشة ملونة

trends-of-2018-3-b
ثالثا: tropical prints وهي نقوش مستوحية من النباتات كمان . لا شك انو هاي سنة الطبيعة في الديكور . مع انو هاي البرنت لاحظنا وجودها السنة الماضية .
منلاحظ كمان ظهور مجسمات وصور للأناناس ! بصفتو فاكهة استوائية
trends-of-2018-3-c
4)maximalism :
هي حرفيا عكس ال minimalism
السنة الماضية كانت المانيمالزم هي المسيطرة بقوة بدليل انتشار الديكور الاسكندنافي بقوة . لكن التوقعات ان التوجهات هاي السنة رح تكون العكس تماما ورح يكون في نوع في المبالغة في كل شي . الفترة الماضية كل
الديكورات عالانستغرام كانت واحد وشبه بعضها والناس زهقت وصارت تحب تشوف اشي جديد وغني يعبر عنها بشكل صارخ بعد سنين من الهدوء

رح احكي بهاي الجزئية بشكل مفصل شوي عن كل صورة
1) المصمم حب يعمل شي اسمو layering
او الطبقات مع المبالغة في كل طبقة . منلاحظ انو مستعمل نقشة صارخة جدا والوانها صارخة وعليها مرايا مختلفة الشكل وكمان تحت عامل خشب بلون مشبع وحتى الارض كانت بنقشة ابيض واسود ملفتة جدا وبتتنافس مع نقشة ورق الحائط . وبعد كل هاد حط نباتات ومعلقات ضخمة من السقف . كل هاد بدون ما يكون بطريقة رخيصة او ينزل من الذوق العام .. من وجهة نظرو طبعا 😀
2) ستايل الماكسيماليزم بنطبق برضو في الاحجام منلاحظ في الصورة كيف حاطين لوحة كتيييييير كبيرة بطريقة بتنافس كل الغرفة3) عندك نقشات كتير ومحتار شو تحط ؟ بسيطة حطهم كلهم 😀 انا شخصيا شايفة المزج بشكل عشوائي نوعا ما4) الماكسيماليزم مش لازم تكون في النقوش بس . لأ ممكن في الالوان منلاحظ كيف كل الالوان في الصورة مشبعة حتى المصمم مش تارك لون اساسي او ثانوي من دائرة الالوان الا وحاطو بطريقة مشبعة جدا بحيث انو ما في لون واحد مسيطر .5) طريقة اختيار الاكسسوارات في هاد الستايل بتعتمد على الفردية . يعني كل اكسسوار حلو وصارخ لحالو وبرضو حطهم كلهم مع بعض . منلاحظ مزج الستايلات بين الكلاسيك والمودرن والديكو6) التكرار لاقصى درجة : منلاحظ كيف الحيط مكرر عليه كتير اطارات بشكل مبالغ فيه . هاد الستايل بيعتمد انو ما يخلي اشي فاضي من السقف للارض كلو معبى 😀
trends-of-2018-4
5) monochrome – tone on tone
هالكلمة انا لاحظت انو الها معنيين يا اما ابيض واسود . يا اما لما يكون الواحد لابس نفس اللون من فوق لتحت . منلاحظ هاد الشي هلأ كتير دارج في الموضة رجعت الناس تلبس طقم بنطلون وجاكيت وشنتة
وسكارف وشوز بنفس اللون وهيك الانتيرير كمان . بما انو موضة الماكسيماليزم كتير ناس رح تنفر منها في لسا مهرب للي بحبو الاتجاه البسيط
trends-of-2018-5
استكمالا لاتجاه tone on tone 
هو ان الديكور يكون من نفس الدرجات لنفرض لون ابيض ولكن بخلق layers يعني عندي طوب مثلا بلون فاتح مدهون عليه طبقة بيضة وعليهم اطار وادامهم سرير مثلا بمفارش من نفس اللون لكن textile مختلف . النتيجة هي كتير sophisticated وانيقة جدا او متل الصورة الاولى حتى الخشب كان بلون فاتح وbleached

trends-of-2018-5-b

6) دوائر في كل مكان : السنة الماضية والي قبلها الشكل السداسي كان المسيطر شفناه باشكال كتير من فريمات مرايا وقطع تبليطات . هاي السنة الدائرة مثبتة نفسها بقوة . مجرد مراية دائرية بسيطة جدا باطار رفيع لا يذكر انت هيك بتكون
كتير كول وتريندي !
 trends-of-2018-6

وهلأ رح نحكي عن انواع التشطيبات الدراجة لهاد الموسم

7) terazzo هاد النوع من التبليط راجع من السبعينات ليضرب من جديد ويغرق الدنيا ما شفناه بشكل كبير السنة الماضية شفناه بس مو كتير . هلأ هالسنة راجع بجميع التدرجات من رمادي لبني وحتى ابيض وحتى ملون والحلو انو مش بس كاستعمال تقليدي لا متل الرخام كمان موجود في الاكسسوارات واستعمالات بطرق جديدة

trends-of-2018-7
8) الرخام : الرخام من اكثر الموضات الي حبيتها وعشقتها في 2017 ولسا مستمرة معانا . منلاحظ انو نقشة الرخام مش بس دارجة في استعمالاتو التقليدية من جدران )open book marble او بارات المقاهي او الاراضي بس . لا الحلو
انو استعمالاتو صار حتى في الاكسسوارات متل الصواني وساعات الحائط وكوسترز فناجين القهوة .
trends-of-2018-8
9) الخشب :
هالسنة الخشب الغامق يعود بقوة بعد ما قعدنا سنين نستعمل الخشب الفاتح وال bleached بسبب موضة الستايل الاسكندنافي هاي السنة الوان الخشب صارت اكثر عمق ودفئ والوانها غنية اكتر هاي الالوان كنا متعودين عليها في ستايل ال retro قبل سنوات لكن هلأ صار استعمالها بطريقة تعطيها فخامة اكتر باستعمال المقابض والارجل المعدنية وخصوصا الدهبية
منلاحظ في الصورة طاولة السفرة بستايل اسمو wishbone-style الي هو ستايل من اوائل العشرينات لون خشب الجوز المحروق الغني خلاها قطعة timeless ما تروح موضتها ابدا

 

trends-of-2018-9

10) الملمس : الاقمشة الحرفية المصنوعة يدويا الي شكلها مغري للمس متل الصوف والاشياء المحاكة الي حوافها raw وفيها تفاصيل نقوش مرسومة يدويا او حتى الخيزران اي شي يدوي قوي جدا هاد الموسم وفيه مجال واسع للتنسيق والتبديل واللعب فيه ولو انمزجت مع المعادن او الرخام هيك بتكون كتير عالموضة لانو فلسفة المزج مسيطرة هاي السنة جدا

trends-of-2018-10
11) الابيض والاسود 
الابيض والاسود كان وما زال ورح يضل موضة وعمرو ما رح يغيب عن الساحة لكن هاي السنة التضاد بينهم ارتفع لاقصى درجة في النقوش والتقليمات الصارخة الي بتلفت النظر بطريقة لا يمكن التغاضي عنها .لو معهم لون دهبي كمان هيك بتكون كتير trendy
12)المساحات المريحة والرفاهية : شو الهدف اصلا من الديكور غير زيادة الرفاهية وتحسين اللايف ستايل للانسان ؟ هاد التوجه كتير عم بفكرو فيه هاي السنة هو اشي مش مجرد منظر او شكلي لأ هو طريقة تفكير . يعني انا احاول اخلي الفراغ اللي عندي فيه اقصى درجات الرفاهية حتى لو كان بيت عادي اخلي حمامو كأنو spa والمطبخ البار الي فيه كأنو من cafe وحتى الصالة كأنها في اوتيل . رفع اقصى درجات الراحة هو العنوان هاي السنة
منلاحظ كيف صار عنا تأكيد على استعمال الورد في الحمام والاعتناء بالشموع واماكن تواجد المنشفة ومستحضرات العناية بالجسم في وقت كانت مغسلة الحمام زمان مجرد مغسلة بسيطة وخزانة فوقها لفرشاية السنان ومعجون الحلاقة
13)مش رح اقدر انهي هاد الموضوع بدون ما احكي عن لونين مهمين جدا جدا تعتبر ألوان جديدة نسبيا شفناها كمان من السنة الماضية ومستمرة معنا الي هي درجات ال blush او dust pink ودرجات ال teal او ال iced blue . مين فينا هالشتوية ما اشترت قطعة من احد هاللونين شفناهم في اللبس وخاصة في المخمل وفي فساتين السهرة وكمان في الديكورات سواء في الكنب والكراسي او حتى الدهان عالجدران
في النهاية رح احكي عن نوعين من الاكسسوارات الي ظهرت جديد اخر فترة
14) الهياكل الهندسية الشبكية : لاحظنا وجودها في الاكسسوارات الشمعدانات والفوانيس وحتى في الاطارات والمرايا وغالبا بتكون باللون الدهبي
منلاحظ في الصور عنصر جديد ظهر السنة الماضية وهو ال terrarium على غرار aquarrium وهو زي حوض صغير للمزروعات مستوحى من شكل الكوارتز الي رح نحكي عنو بشكل مفصل في الاخر
15) اخر شي رح احكي عن شغلة برضو هي موجودة في الموضة في اللبس والاكسسوارات الي هي احجار الكوارتز او ال agate .
موجودة هلأ في كوسترز القهوة او في الطاولات الوسطية حتى وكمان كـ اكسسوار . الحلو فيها انها عناصر مستوحاة من الطبيعة بس هي كأنها مثال على بداية نقطة الماكسيماليزم بالنسبة الي بسبب الوانها الصارخة والفاقعة وتشكيلاتها الجريئة . وكمان حسيتها تطور للهياكل الشبكية الي حكينا عنها في النقطة السابقة
 trends-of-2018-15
بتمني تكونوا استفدوا من المقال .. وشكرا لكم
Ulfat Ktaifan
Sharing is caring    +1 Pit It Share
43See who's Liked this post
cgartzone

About cgartzone

We consider CGARTZONE the home of design and visualization; thus, EVERY Designer is welcome home!

View all posts by cgartzone →
Follow me

Leave a Reply